Башкы бет / МАСНУН ДУБАЛАР / ДУБАНЫН ПАЙДАСЫ

ДУБАНЫН ПАЙДАСЫ

          Пайгамбарыбыз (саллаллооху алайхи ва саллам) ар абалда Алла Таалага дуба аркылуу кайрылган. Ал эле эмес, Пайгамбар (алайхимус салам)дардын баарысы дуба окушкан жана ар дайым дуба аркылуу Алла Таала менен байланышкан. 

          Пайгамбарыбыз Мухаммад с.а.в. мындай деп айткан: «Дуба-кылуу бул-момундун Куралы. Дуба кылуу бул- диндин түркүгү. Дуба кылуу бул- асман ж-а жердеги нур». Дагы бир хадисинде мындай деген: » Алла Таалага дубадан барктуураак эч нерсе жок». Дагы бир хадисте Пайгамбар с.а.в. мындай деген: » Кайсы бир пенде өзүнүн дубасынын кыйынчылыктарда да кабыл болушун кааласа анда ал жыргалчылыкта да, ар кандай абалда Алла Таалага дуба кылып сурасын». Башка бир хадисте Пайгамбар с.а.в. мындай деп айткан: » Кайсы бир мусулман пендеси кандайдыр бир нерсени суроо үчүн Алла Таалага дуба кылып кайрыла турган болсо, Алла Таала ал пендеге сураган нерсесин ошол эле заматта берет, же болбосо дубанын себебинен суралган нерсени бу дүйнөдө берет ж-а кийинчерээк акыретте да берет».

            Пайгамбар с.а.в. мындай деп айткан: «Кайсыл бир пенде Алла Таалага эч качан, эч кандай дуба кылбай турган болсо, Алла Таала ал пендеден нааразы болот». Пайгамбарыбыз с.а.в. бир жолу сахабаларга мындай деп айтты: » Силер Алла Таалага дуба кылууда эч качан алсызданбагыла, себеби, пенде ар дайым дуба кылууда эч качан ал халак (өлбөйт, жок болбойт деген мааниде) болбойт». Пайгамбар с.а.в. мындай деп айткан: » Дубадан башка эч бир нерсе тагдырда жазылган нерсени кайтара албайт. Ошондой эле жакшы амалдан башка эч бир нерсе өмүрдү узарта албайт». Бул хадистин мазмуну мындайча: кайсы бир пенде үчүн дубанын эшиги ачылган болсо ошол пенде үчүн рахматтын ж-а бейиштин, ошондой эле кабулияттын ( дубалардын кабыл болуусун) дарбазалары ачылыптыр.

Ошондой эле

АЖАТКАНАГА КИРЭЭРДЕ, ЧЫККАНДА ДУБА

АЖАТКАНАГА КИРЭЭРДЕ АЙТЫЛУУЧУ ДУБА Ажатканага кирээрде бул дубаны окуп, сол бут менен кирет: «Аллоохумма иннии …

Яндекс.Метрика